Реал добива голем француски талент за нула евра

Реал Мадрид сака да изгради тим за иднина, па е сериозно заинтересиран за тинејџерот од Лион, Рајан Шерки.

Шерки е роден во 2003 година и важи за еден од најголемите таленти на негова возраст во Европа, па го привлече вниманието на многу клубови.

18-годишниот Французин со алжирско потекло покажува одлични партии оваа сезона, а неговиот договор со Лион истекува следното лето.

Реал веќе работи на неговиот трансфер и сака да го донесе следното лето како слободен агент. Фудбалерот одбива да го продолжи договорот со Лион и најверојатно бесплатно ќе се пресели на „Сантиаго Бернабеу“.

Интерес за Шерки покажуваат уште Барселона, Челзи и Баерн Минхен, но Реал е во пол-позиција за неговиот потпис.