Клоп го сака плејмејкерот на Милан

Ливерпул е силно заинтересиран за плејмејкерот на Милан, Исмаил Бенасер, пренесуваат италијанските медиуми.

Клоп во алжирскиот репрезентативец гледа идеална замена за Чемберлејн, кој заработи тешка повреда во предсезоната и долго време ќе отсуствува од терените.

Тренерот е загрижен поради малкуте алтернативи кои ги има во средниот ред и верува дека Бенасер ќе биде идеално решение.

Ливерпул спрема понуда, но Милан одбива да преговара и сака да го задржи 24-годишниот плејмејкер.

Алжирецот има договор со „росонерите“ до 2023 година, но Милан веќе започна преговори за продолжување на соработката.