Фирмињо инсистира да го напушти Ливерпул

Иако вчера Јирген Клоп изјави дека Боби Фирмино е срцето и душата на тимот, Бразилецот сепак е одлучен во намерата да го напушти „Енфилд“.

 Без разлика на заминувањето на Мане, со доаѓањето на Нуњез, заедно со Салах, Дијаз и Жота, Бразилецот тешко ќе ја добие минутажата која ја посакува.

Притоа, Фирмињо влезе во последната година од договорот и нема најави за негово продолжување, па и Ливерпул е спремен да го продаде ова лето.

Фирмино би можел да го загуби местото во бразилската репрезентација пред Мундијалот во Катар и инсистира да се пресели во клуб каде ќе има поголема минутажа.

Ливерпул е спремен да го пушти напаѓачот за 20 милиони евра, а најсилен интерес во моментов покажува Јувентус.