Јувентус испрати понуда за Вернер

Јувентус започна преговори со Челзи за германскиот напаѓач, Тимо Вернер, пренесуваат италијанските медиуми.

Јувентус сака да го донесе Вернер на едногодишна позајмица со право на откуп, но треба да ја победи конкуренцијата бидејќи за Германецот интерес покажуваат уште Њукасл и Лајпциг.

Германскиот репрезентативец сака да има поголема минутажа во пресрет на Светското првенство, а во Челзи не успеа да се наметне во првиот тим.

Неодамна го изрази своето незадоволство што не игра редовно, што го налути Томас Тухел, кој одговори дека играчот не заслужува да игра.

Големата плата на Вернер го прави трансферот тежок за реализација, но Челзи е спремен да го пушти напаѓачот на позајмица.