Падна договор: Стерлинг е нов фудбалер на Челзи

Челзи и Манчестер Сити синоќа постигнаа комлетен договор за трансфер на Рахим Стерлинг, пренесуваат медиумите на Островот.

Англискиот репрезентативец ќе потпише петгодишен договор со „сините“, со можност за продолжување на соработката на уште една сезона.

Челзи за неговиот потпис ќе плати 47,5 милиони фунти, а Стерлинг во наредните денови ќе пристигне во Лондон на лекарски прегледи и да го комлетира трансферот.

Договорот на Стерлинг со Сити истекуваше следното лето, а преговорите за продолжување на соработката беа во застој, па поради тоа „граѓаните“ се согласија на негова продажба.