Барселона ги прифати условите на Баерн, Левандовски на чекор од „Камп Ноу“

Трансферот на Роберт Левандовски од Баерн во Барселона е пред реализација, тврди еминентниот новинар Филип Кеслер.

Каталонците се спремни да ги прифатат условите на Баерн и наскоро ќе испратат понуда тешка 50 милиони евра.

Првите две понуди на Барселона беа одбиени, бидејќи Баерн инсистира да добие 50 милиони евра за слободата на Левандовски.

Тренерот Чави имал разговор со претседателот Лапорта и сака што поскоро да се реализира трансферот на Левандовски, за напаѓачот да ги започне подготовките со клубот уште од првиот ден.

Барселона е спремна да ја плати бараната сума и според информациите од Германија, трансферот треба да се комплетира следните денови.