Барса не може да го регистрира Кеси, фудбалерот го губи трпението

Франк Кеси го напушти Милан како слободен агент и постигна комплетен договор со Барселона.

Кеси пред три месеци успешно ги поминал медицинските прегледи и се сретнал со претставниците на Барселона со кој ги договорил сите детали од договорот.

Кеси ставил и потпис на преддоговор и во Барселона треба да заработува 7 милиони евра по сезона.

Меѓутоа, Каталонците имаат финансиски проблеми и неможат да го регистрираат договорот на Кеси во Ла Лига, па ќе мора прво да ослободат простор за нови играчи.

Агентот на Кеси е фрустриран од таквата ситуација, па каталонски „Спорт“ открива дека би можел да го раскине преддоговорот и да бара нов клуб.