Јувентус тргнува по Кулибали

Јувентус е заинтересиран и спрема понуда за дефанзивецот на Наполи, Калиду Кулибали пренесува „Тутоспорт“.

„Старата дама“ бара замена за Џорџо Киелини, кој го напушта клубот ова лето после 17 години.

Кулибали е на врвот на листата желби на Јувентус, а Сенегалецот најверојатно ќе го напушти Наполи ова лето.

Тој влегува во последната година од договорот, а претседателот на Наполи не ја исклучи можноста за негова продажба.

30-годишниот Кулибали сака да го напушти Наполи и верува дека сега е вистинското време да направи чекор напред во кариерата, а покрај Јувентус интерес за него покажува и Барселона.