Бенитез: Мојот буџет за трансфери во Ливерпул беше 20 милиони, а Клоп има резерви од 40 милиони

Рафаел Бенитез истакна дека неговиот период во Ливерпул и овој кога на кормилото е Јирген Клоп не може да се споредуваат.

Шпанецот помина шест години на „Енфилд“ во периодот од 2004 до 2010 година и го однесе тимот до врвот на Европа.

„Луѓето се сеќаваат на мојот тим, но во споредба со Ливерпул кој потроши 1 милијарда, многу добро потрошени, точно е, но има играчи вредни 40 милиони на клупата. Затоа не можете да го споредите мојот Ливерпул со овој на Клоп, затоа што треба да ги погледнете околностите. Имав буџет за трансфери од 20 милиони. Кажете ми кој може да го купи Ливерпул со 20 милиони, кога на клупата се привлекуваат играчи за 40 милиони“, изјави Бенитез.

Бенитез додаде дека не жали што ја прифатил работата во Евертон, каде навивачите брзо се свртеа против него поради неговиот однос со Ливерпул, откако резултатите станаа негативни.

Шпанецот тврди дека го оставил тимот во добра форма, а Френк Лампард е одговорен што тимот се бори за опастанок.