Познати полуфиналните парови во НБА лигата

Со гостинската победа над Минесота кошаркарите на Мемфис станаа последните учесници во полуфиналето на Западната конференција во НБА лигата.

Десмонд Бане и Дилон Брокс со по 23 поени се погрижија Мемфис да направи „брејк“ и да се избори за втората рунда од плеј-офот. Со овој натпревар комплетирани се паровите во двете конференции и јасно е дека не чека возбудлива и одлична кошарка.

На Истокот во полуфиналето ќе играат Мајами Хит – Филаделфија и Бостон – Милвоки. Паровите на Западот се Феникс – Далас и Мемфис – Голден Стејт.

Полуфиналните серии започнуваат веќе во недела со натпреварите помеѓу Селтикс – Бакси, Гризли – Вориорси.

Round 1: complete! pic.twitter.com/I8igqMiaUN

— NBA (@NBA) April 30, 2022