Ако и веруваме на традицијата Реал Мадрид ќе биде елиминиран од Манчестер Сити

Mанчестер Сити вчера славеше со 4:3 против Реал Мадрид во првиот полуфинален натпревар од Лигата на шампионите.

Натпреварот беше вистински спектакл, покрај седумте постигнати голови видовме уште неколку одлични прилики и на двете страни за уште некој гол. Резултатот е поволен за „кралевите“ меѓутоа традицијата вели дека во финалето ќе оди англискиот претставник.

Реал Мадрид вчера шести пат во својата историја изгубил на првиот натпревар во полуфиналето, а во претходните пет пати Реал никогаш не успеал да се врати и да се пласира во финалето.

Ќе видиме дали идната недела во реваншот ќе биде прекината оваа негативна традиција за кралскиот клуб.