Тренерот на Мец: Фудбалот стана наместен спорт, засрамете се!

Во француското првенство во рамките од 19. коло Лион и Мец ремизираа 1:1.

На Лион сезонава не му оди баш и се наоѓа на 13. позиција со 24 бода додека Мец е на 18. позиција и се бори за опстанок. После натпреварот за судењето без влакна на јазикот зборуваше тренерот на Мец, Фредрик Антонети.

„Ужас! Фудбалот стана наместен спорт, го изгуби шармот. Овој благодорен спорт е уништен само поради поединци. Засрамете се!“, жестоко порача Антонети.

Ваквата негова изјава силно одекна во европските медиуми.