Алегри сака играч на Реал без ниту една минута сезонава

Тренерот на Јувентус, Масимилиано Алегри сака во јануари да го засили тимот со играч на Реал Мадрид, пренесува „Калчомеркато“.

Алегри не е задоволен од настапите на Адриен Рабио и сака да го донесе шпанскиот плејмејкер Дани Себаљос.

„Старата дама“ сака да го засили средниот ред, а Алегри смета дека Себаљос ќе биде идеален партнер за Локатели.

Себаљос ова лето се врати во Реал од позајмицата во Арсенал, но се уште нема одиграно ниту една минута, бидејќи се опоравува од повреда со која се здоби за време на Олимписките игри.

Јувентус ќе се обиде да го донесе во Торино на позајмица со крајот на сезоната со право на откуп.