Зверев му го сруши олимпискиот сон на Ѓоковиќ

Новак Ѓоковиќ остана без шанси да се бори за златото на Олимписките игри, откако во полуфиналето загуби од Александар Зверев (2:1).

Ѓоковиќ се обидуваше да постигне уникатен подвиг и да стане првиот тенисер во историјата кој истовремено ги држел сите четири гренд слем титули и олимпиското злато.

Меѓутоа, Зверев направи подвиг и успеа да го победи најдобриот тенисер во светот во полуфиналето.

Српскиот тенисер одлично го започна мечот, релативно лесно го освои првиот сет со 6:1, во вториот имаше брејк предност (3:2), но потоа Зверев заигра одлично и израмни на 1:1.

Во одлучуваќкиот сет Германецот поведе со 4:0 и лесно до крајот ја чуваше предноста.