Ѓоковиќ го „прегази“ Нишикори и се пласира во полуфинале

Најдобриот тенисер на светот без поголеми проблеми се пласираше во полуфиналето на ОИ откако го победи Нишикори со 6:2 и 6:0.

Ѓоковиќ беше супериорен во текот на целиот меч и сега дојде на само два меча до олимпиското злато.

Нишикори немаше одговор на играта на Србинот и успеа да освои само два гема во првиот сет, а вториот сет го заврши со нула.

Ѓоковиќ во полуфиналето ќе игра со подобриот од дуелот меѓу Александар Зверев и Жереми Шарди.