Ѓоковиќ: Поради Федерер и Надал сум тоа што сум

Српскиот тенисер Новак Ѓоковиќ испиша историја и по 6-ти пат го освои трофејот на Вимблдон.

Ова за Ѓоковиќ беше 20-ти грен слем во кариерата со што се израмни со Федерер и Надал по освоени грен слем титули.

Додека се разгорува дебатата за тоа кој е најдобар на сите времиња, Ѓоковиќ истакна дека Надал и Федерер му помогнале да биде тоа што е денес.

„Никој од нас тројцата нема да застане. Морам да им дадам големо признание за Рафа и Роже, тие се легенди, двајца најдобри тенисери против кои сум играл. Ми помогнаа и ми укажаа што треба да правам за да стигнам до тука. Губев три, четири години од нив двајцата, а потоа во 2010, 2011 се се промени, па изминатите 10 години е неверојатно“, изјави Ѓоковиќ.