Барса може да го остави Меси да му истече договорот

Постои варијанта Лионел Меси да потпише нов договор со Барселона откако ќе му истече актуелниот договор на 30-ти јуни, пренесуваат каталонските медиуми.

Преговорите околу новиот договор започнаа, но течат бавно, а можно е Меси да замина на Купа Америка, без претходно да ставил потпис на нов договор.

Копа Америка започнува на 11 јуни и ќе трае до 10 јули, што значи дека тогаш Меси ќе биде слободен агент.

Новиот договор се одолговлекува и поради фактот што Лапорта сака да види со какви финансии ќе располага ова лето и дали ќе си замине некој од фудбалерите со високи плати.

Меси преферира да остане во Барселона, но не се исклучува можноста да прифати некоја од понудите кои ќе пристигнат на негова адреса.