Баерн ќе може да си дозволи само еден скап трансфер

Финансиските проблеми од пандемијата го погодија и еден од финансиски најстабилните европски клубови Баерн Минхен.

Баерн губи помеѓу 3 и 4 милиони евра на секој домаќински меч само поради фактот што нема фанови на стадионот, пренесува „Билд“.

Поради тоа баварскиот гигант на лето ќе може да си дозволи само еден скап трансфер и тоа околу 40 милиони евра.

Фаворит на кој треба да бидат потрошени тие пари е дефанзивецот на Лајпциг, Дајот Упамекано, кој треба да биде замена за Давид Алаба, кој заминува како слободен агент.

Упамекано има откупна клаузула од 42,5 милиони евра и Баерн Минхен е спремен да ја плати, но треба да ја победи конкуренцијата.

Единствено со продажба на некои фудбалери Баварците можат да добијат дополнителен буџет за трансфери во летниот преоден рок.