Неверојатниот Јокиќ ја прекина низата на Јута, „магија“ на Визардс за 12 секунди

Предводени од Никола Јокиќ, Денвер ја прекинаа низата на Јута од 11 победи со резултат 128:117.

Јокиќ беше феноменален. Натпреварот го заврши со 47 поени и со тоа го изедначи личниот рекорд во НБА. Додаде уште 12 скокови и пет асистенции.

На другата страна Бојан богдановиќ продолжи со добрите игри, на крајот постигна 29 поени, но не беше доволно за неговиот тим.

Вашингтон Визардс направија вистинска „магија“ во последните 12 секунди од натпреварот против Бруклин Нетс. Имаа -5, но со серија од 8:0 славеа со 149:146.

Резултати:

Индијана – Филаделфија 110:119
Торонто – Орландо 115:102
Вашингтон – Бруклин 149:146
Минесота – Кливленд 109:104
Денвер – Јута 128:117