Постигнат договор: Папу Гомез има нов клуб

Сагата околу Папу Гомез конечно заврши откако Аталанта и Севиља постигнаа договор за трансфер на Аргентинецот.

Папу Гомез влезе во расправија со тренерот Гасперини и беше јасно дека ќе го напушти клубот, а сега конечно е позната неговата следна дестинација.

Италијанските клубови не сакаа да ја платат сумата која ја бараше Аталанта, па ситуацијата ја искористи Севиља.

Шпанскиот клуб понуди 8 милиони евра, понуда која Аталанта ја прифати, а Гомез се согласи да се пресели во Примера.

Се очекува Аргентинецот утре да пристигне на лекарски прегледи и да го комплетира трансферот.