И Јувентус го сака Депај, „старата дама“ му нуди размена на Лион

Според информациите од Италија торински Јувентус му понудил размена на Лион.

Како што наведуваат италијанските медиуми Јувентус е спремен на францускиот тим да му го понуди Фредерико Бернардески за во замена да го добие Мемфис Депај.

Холанѓанецот веќе одреден период се поврзува со заминување од Лион, во игра беа Милан и Барселона, а сега се споменува и Јувентус како опција.

Во Торино наводно сериозно работат на доведување на Депај. Депај оваа сезона во 17 одиграни натпревари за Лион оствари учинок од осум голови и четири асистенции.

Од друга страна Бернардески одигра 15 натпревари и запиша една асистенција и не е на нивото на кое се очекуваше да биде.