„Џошуа – Фјури? Тој меч ќе биде најголемиот во светот на боксот“

Британскиот боксер Ентони Џошуа го нокаутираше изминатата вечер Кубрат Пулев и на тој начин ја задржа титулата светски шампион во три верзии, а светот по оваа броба зборува за нова Џошуа – Фјури, таа борба би го дала неприкосоновениот шампион.

За тоа после победата на Џошуа зборуваше и промотерот Еди Херн кој е и повеќе од заинтересиран за оваа борба.

„Многу се зборува за оваа борба, но Ентони е во право – не треба да се зборува толку многу, треба да се работи на организација на тој меч. Ентони сака да стане неприкосновен шампион. Тоа е единствената борба која во овој момент е важна за боксот. Најголемата можна, најголемата во историјата на британскиот бокс“, изјави во овој момент највалијателниот светски промотер на бокс-мечеви.

Џошуа после победата има скор од 24 победи (22 со нокаут) и еден пораз во професионалните борби, а шампион е во верзиите ВБА, ИБФ и ВБО. Од друга страна Фјури е ВБЦ шампион и непоразен во својот 31 меч  во професионалниот ринг – има 30 победи и едно реми против Вајлдер.