Арсенал и Јувентус се борат за ѕвездата на Лион

Француските медиуми пренесуваат дека Јувентус и Арсенал водат голема битка за ѕвездата на Лион.

Станува збор за 22-годишниот Хусем Оуар, талентиран играч за врска со огромен потенцијал, кој го привлече вниманието на многу европски гиганти.

Оуар е поливалентен офанзивен фудбалер кој може да игра на повеќе позиции, а особено е ценет поради своите технички способности.

Арсенал цело лето се обидуваше да го донесе Французинот на „Емирати“, но Лион не попушти и бара 60 милиони евра за неговиот потпис.

Оуар е главна трансфер цел на тренерот Артета, па „топџиите“ спремиле понуда од 50 милиони евра во јануарскиот преоден рок.