Пиоли го победи коронавирусот: Не можев да дочекам да се вратам

Тренерот на Милан, Стефано Пиоли го победи коронавирусот и се врати на тренинзите на тимот.

Пиоли утре ќе го води Милан од клупата против Селтик во Лига Европа и истакна дека му недостасувала работата со тимот.

„Многу ми недостасуваше работата, ова беа долги 18 дена. Синоќа кога разбрав за негативниот тест не можев да заспијам од возбуда. Треба да му заблагодарам на клубот што ги обезбеди сите технологии за да можам да бидат со тимот од далеку. Овој тим уште еднаш ме направи горд“, изјави Пиоли.

„Среќен сум бидејќи имав симптоми, но лесно ја поминав болеста. Комуницирав со играчите постојано, но тоа не е исто. Многу ми недостигаше работата во Миланело“, додаде тренерот на „росонерите“.

🎙️Coach Pioli is back 💪 he spoke during the press conference ahead of #MilanCeltic: "I am happy to be back. I missed the club and the daily routine and work. I thank the club, the team, I thank all of the staff. I also thank Bonera who is a very smart guy." pic.twitter.com/4vWjWVhW7D

— Milan Reports (@MilanReports) December 2, 2020