Станува сериозно: Еве што ПСЖ му нуди на Рамос

Одличниот шпански репрезентативец и еден од најдобрите одбранбени играчи на сите времиња Серхио Рамос се наоѓа на мета на ПСЖ.

Не е тајна дека ПСЖ сака да го доведе Рамос, за тоа се пишува во најголемите медиуми веќе неколку дена, а сега се појави и информација што клубот од Париз му нуди на Рамос.

Имено, шпанските медуми денес пишуваат дека ПСЖ е спремен на Рамос да му понуди договор на две години според кој ќе заработува 20 милиони евра нето годишно.

Меѓутоа, тоа не е се, односно ПСЖ сака и да му исплати на Рамос бонус за потпишување на договорот. Официјалната понуда според информациите ќе биде испратена на 1. јануари наредната година за да не бидат прекршени правилата.

Ќе додадеме и дека Рамос преговара со Реал за продолжување на соработката, но договор се уште нема, а додека е така може се да се случи.