Следната недела се решава иднината на Донарума

Италијанските медиуми пренесуваат дека следната недела директорите на Милан ќе имаат состанок со Мино Раиола на кој ќе се дискутира за новиот договор на Џиџи Донарума.

Донарума влезе во последната година од договорот, сака да остане во Милан, но неговиот агент Мино Раиола е тежок преговарач.

„Спорт медиасет“ пренесува дека Мино Раиола следната недела ќе има средба со директорите на Милан, Паоло Малдини и Рики Масара.

Милан со новиот договор спрема значително зголемување на платата и ќе го направи Донарума најплатен играч во тимот со 8 милиони евра по сезона.

Раиола бара годишна плата од 10 милиони евра и во новиот договор да има откупна клаузула за Донарума, па двете страни ги очекуваат долги преговори за да ги надминат разликите.