„Бомба“: Арсенал ја активира откупната клаузула на Томас Парти

Вистинска трансфер „бомба“ во последниот ден од трансфер пазарот – Арсенал ја активира откупната клаузула на играчот на Атлетико Мадрид, Томас Парти.

Според информациите од Островот, „топџиите“ веќе спремиле 46 милиони фунти и го информирале Атлетико дека ќе ја платат откупната клаузула.

„Топџиите“ имаат договор за 5-годишна соработка со играчот за врска, па се очекува трансферот да биде комплетиран до крајот на денот.

Арсенал беше во потрага по квалитетен играч за врска, а Парти беше најголема желба на тренерот Артета, меѓутоа „јорганџиите“ воопшто не сакаа да преговараат за трансфер.

Поради тоа Арсенал се одлучи да ја активира откупната клаузула и тоа во последниот ден од трансфер пазарот.

BREAKING: Arsenal have indicated they will pay Thomas Partey's £46 million release clause today, according to @charles_watts ?#DeadlineDay pic.twitter.com/HU4gm1ycNQ

— Goal (@goal) October 5, 2020