Нов потрес на Светското првенство! Канада ја одби фудбалската ѕвезда за виза

Судијата Роџер Лафрениер во вторник наутро го разгледа барањето, но го одби истиот ден, поради што Томас Парти не може да влезе во Канада согласно имиграцискиот закон на таа држава.

Канадските власти го отфрлија првичното барање за виза на Парти. Овој 32-годишен фудбалер се соочува со судски процес во Англија, каде што е обвинет за силување и сексуален напад. Поранешната ѕвезда на Арсенал се изјасни за невина по сите обвиненија.

Тимската база на репрезентацијата на Гана за Светското првенство е позиционирана во Провиденс, во сојузната држава Род Ајленд, а Парти беше со тимот во текот на тренинзите и подготовките за натпреварите. Лафрениер изјави дека Парти не презентирал основи за итно укинување на мерката.

Канада порача дека организирањето на Светското првенство не значи промена на своите долгорочни имиграциски закони. Државата, исто така, истакна дека Парти не треба да добие посебен третман само поради тоа што е фудбалер.

Во своето барање, Парти нагласи дека би бил под постојан надзор на Фудбалскиот сојуз на Гана и дека би ја напуштил Канада заедно со тимот веднаш по натпреварот.

„Немам пресуда за никакво кривично дело. Се изјаснив дека сум невин и за мене сè уште важи претпоставката на невиност“, изјави Парти.

Гана ќе се соочи со Панама во групата Л. Откако жалбата е одбиена, Парти повторно ќе му се приклучи на својот тим за преостанатите натпревари во групата Л — против Англија на 23 јуни во Фоксборо, во Масачусетс, и против Хрватска на 27 јуни во Филаделфија.