Парти го напушти Арсенал и ќе дебитира против – Арсенал!

Томас Парти ова лето се раздели со Арсенал како слободен играч и се договори со Вилјареал.

Ганскиот репрезентативец ќе се врати во Шпанија, земјата каде ги направи првите фудбалски чекори во Атлетико Мадрид, од каде замина во Арсенал во 2020 година за 50.000.000 евра.

Интересно е што Парти ќе го направи својот деби повторно против Арсенал, и тоа во пријателска средба закажана за среда, 6 август на стадионот „Емирејтс“ во Лондон.

Парти е најзначајно засилување за Марселино Торал ова лето, иако Вилјареал ги донесе и талентираното крило на Лас Палмас, Алберто Молеира, Сантијаго Моринјо од Атлетико Мадрид и Тахон Бјукенан од Интер.

Парти има 32 години и уште неколку сезони за играње во Ла Лига. Со Вилјареал се договори до летото 2027.