Милан најде замена за Бонавентура

Милан покажува сериозен интерес за ѕвездата на Расинг, Матијас Зарачо, пренесуваат италијанските медиуми.

22-годишниот офанзивен играч за врска го привлече вниманието на многу европски гиганти, но „росонерите“ покажуваат најсилен интерес во моментов.

Зарачо во договорот со Расинг има откупна клаузула од 25 милиони евра, но Милан во овој момент е спремен да понуди 15 милиони евра плус бонуси.

Тој е младински репрезентативец на Аргентина, а веќе дебитираше и за сениорската репрезентација на „гаучосите“. За Расинг до сега има одиграно повеќе од 70 натпревари и важи за еден од најголемите таленти во Аргентина.

Во Милан сметаат дека Зарачо ќе биде идеална замена за Бонавентура на кого му заврши договорот со „росонерите“ ова лето.