Барселона разговарала со Гризман: Французинот добил јасна порака

Aнтоан Гризман не покажа премногу во неговата прва сезона во дресот на Барселона.

Францускиот напаѓач пристигна како големо засилување, но само на моменти тој го покажува квалитетот и формата од Атлетико.

Во последно време многу се зборува за негово евентуално заминување. Французинот се поврзуваше со бројни клубови, но од тоа нема да има ништо.

Гризман и неговите претставници вчера имале состанок со раководството на Барселона кое било предводено од Ерик Абидал. После тој состанок Французинот добил одговор дека на него се смета и наредната сезона и дека клубот не сака да го продаде.

„И тоа како сметаме на тебе и наредната сезона“, гласела наводно пораката од Абидал до Гризман.

Гризман сезонава одигра вкупно 44 натпревари за Барселона и оствари учинок од 15 гола и четири асистенции.