Ибрахимовиќ за критиките од Молде: Им дадов повеќе од 100 милиони евра, зарем тоа не е доволно?

Златан Ибрахимовиќ предизвика бес кај навивачите на Малме откако купи 25% од акциите на нивниот голем ривал Хамарби.

Неговата статуа пред стадионот потоа беше уништена, навивачите неговиот потег го сметаат за предавство, но Златан има одговор за сите кои го критикуваат.

„Играв за Малме и направив многу за нив и сега не сум добредојден таму. Изгледа бев премногу добар кон нив. Им дадов повеќе од 100 милиони евра, зарем тоа не е доволно за еден шведски клуб?“, порача Златан.

Потоа зборуваше за можното останување во Милан.

„Имам договор со Милан и ќе видиме како се ќе заврши. Сакам да играм што е можно подолго, но никогаш не знаеш што ќе се случи. Сакам да играм важна улога, а не само да бидам тука поради она што го направив порано. Ќе видиме што ќе се случи“, изјави Златан.

 Ибрахимовиќ оваа година ќе го прослави 39 роденден, но ако се суди според неговите можности ќе го гледаме уште неколку сезони.