Клоп: Како што продолжува ова, ситуацијата се влошува

Менаџерот на Ливерпул, Јирген Клоп призна дека паузата ја поминува тешко.

Истакна дека неговите фудбалери тренираат онлајн и дека никогаш не верувал дека ќе се случи вакво нешто.

„Сакам да бидам со тие момци. Моментално најблиску сме преку видео и тоа е начин да уживаме. Верувајте дека сè се промени кога ги видам на екранот.“ – изјави Клоп и додаде:

„Како што продолжува ова, ситуацијата се влошува. Ме боли кога не можам долго да ги видам оние кои ги сакам. А ситуацијата моментално е таква.“

Неодамна се појавија информации дека во Ливерпул ќе го одработи договорот до крај, а потоа ќе бара нови предизвици.

Неговиот моментален договор трае уште четири години, а после тоа ќе го напушти Енфилд и веројатно ќе седне на клупата на германската репрезентација.