Бундес лигата пред прекинување, Баерн ја одбива титулата

Во понеделник многуверојатно ќе биде донесена одлука да се прекине Бундес лигата на неодредено време поради епидемијата на коронавирусот.

Германија и Шпанија многу брзо влегоа во земјите со висок ризик, бројката на заразени во овие земји надмина 1.000 додека најаларматно е во Италија каде што нема да има фудбал најмалку до 3. април.

Во Германија во понеделник ќе им средба на раководството и 36. клубови во првата и втората лига. Медиумите најавуваат дека ако сезоната се прекине и не продолжи шампион ќе се избере според актуелната состојба, а тоа би бил Баерн Минхен, додека испаѓање нема да има. Двете екипи кои се првопласирани во втората лига ќе изборат пласман и наредната сезона ќе играат 20 тимови.

Меѓутоа од Баерн порачаа дека ако титулата им се додели на „маса“ тие истата ќе ја одбијат.