Ливерпул со овие засилувања ќе изгледа застрашувачки

Ливерпул оваа сезона игра фантастично и е многу блиску да ја обезбеди титулата во Премиер лигата, а и во Лигата на шампиони постигнува одлични резултати.

Сепак, Клоп смета дека тимот значително да биде засилен во летниот преоден рок и веќе има јасен план како треба да изгледа неговиот тим следната сезона.

Клоп сака да донесе еден лев бек кој ќе биде алтернатива за одличниот Робертсон. Прва желба е Макс Кларк од Витесе, кој игра одлично во холандската лига. Како алтернативи се споменуваат Џамил Луис од Норвич и Реиф Дејвис од Лидс.

Клоп ќе се ослободи од незадоволниот Шаќири и за крилната позиција прва мета е Каи Хавертц од Леверкузен, а како алтернатива се споменува Саму Чукуезе од Виљареал.

Медиумите пишуваат дека најголеми промени ќе бидат направени во нападот. Клоп е спремен да го жртвува Фирмињо за да го донесе напаѓачот на Лајпциг, Тимо Вернер.

Доколку биде продаден Фирмињо ќе биде донесена нова голема ѕвезда, а се споменува името на Килијан Мбапе, што ќе биде тешка мисија, а како алтернатива на Французинот може да биде вратен Филипе Кутињо.