„Л’Eкип“: ПСЖ спрема понуда за Роналдо!?

Јувентус нема да може да смета на услугите на Кристијано Роналдо во мечот против Аталанта во 13. коло од италијанската Серија А.

Роналдо не сакаше да прави проблем поради одлуката на Маурицио Сари, но италијанските медиуми пишуваат дека тие двајца не се во најдобри односи и поради тоа Португалецот на крајот на сезоната би можел да го напушти Јувентус.

Се шпекулира веќе некое време дека Роналдо би можел да се врати во Манчестер јунајтед, а наводно за него интерес покажал и ПСЖ, па „Л’Екип“ пишува дека следно лето со сите средства ќе тргне по неговите услуги.

Иако тој тогаш ќе има 35 години, сепак ПСЖ сака да плати дури 100 милиони евра за Роналдо, па тоа е понуда која Јувентус тешко ќе ја одбие.