Барса нема да ризикува – ќе ја „блиндира“ новата ѕвезда

Ансу Фати е сигурно едно од најголемите фудбалски откритија оваа сезона и најпријатното изненадување.

16-годишниот офанзивен фудбалер роден во Гвинеја Бисао во целост се интегрира во тимот на Валверде, па дури и успеа да сруши неколку рекорди кога се во прашање најмладите стрелци на Барселона.

Тинејџерот на шест настапи за првиот тим на Барселона веќе постигна два гола и запиша една асистенција, па раководството од „Камп Ноу“ не сака да рзикува со неговата иднина.

Ансу Фати го привлече вниманието на многу клубови, а во својот договор има откупна клаузула од 100 милиони евра, што и не е невозможна сума во денешно време.

Поради тоа Барселона веќе спреми нов договор според кој значително ќе му ги подобри финансиските услови, но откупната клаузула ќе се зголеми на 200 милиони евра.

Фати има договор со Барселона на уште три години со опција автоматски да се продолжи на уште две и времетраењето на договорот ќе остане исто.