Олимписката шампионка Семења ќе стане фудбалерка!

Олимписката и светска шампионка во трките на 800 метри, Кастер Семења ќе тргне по стапките на Усеин Болт и ќе стане фудбалерка.

Семенја вчера се приклучи на тренинзите на фудбалскиот клуб од Јужна Африка „JVW“ и би можела да дебитира наредната календарска година.

„Благодарна сум за шансата што ми е пружена и ја ценам поддршката што ја добив од клубот. Се радувам на новиот предизвик и се надевам дека ќе можам да му помогнам на клубот“, изјави Семења.

Јужноафриканската атлетичарка нема да го брани златниот медал на 800 метри на Светското првенство во Доха, бидејќи е суспендирана поради поголемото ниво на тестостерон.