Бејл одговори на критиките: Луѓето не ја знаат вистинската ситуација!

Герет Бејл конечно се огласи после затворањето на летниот трансфер прозорец.

Велшанецот беше ставен на трансфер листа, цело лето се шпекулираше за неговата иднина, но на крајот остана во Реал Мадрид.

„Не ги слушам критиките, бидејќи луѓето не знаат што зборуваат. Голем дел од луѓето не ја знаат вистинската ситуација. Ја наведнав главата ова лето и работев силно. Се зборуваше многу за мојата иднина, но ако сакате одговори, прашајте ги луѓето од Реал Мадрид“, изјави Бејл.

„Ова лето не беше перфектно за мене, но не беше најлошо. Се сеќавам дека една цела година не играв кај Хари Реднап. Важно е да си сконцентриран и да тренираш добро“, додаде Велшанецот.

A great goalkeeper and a top guy. Good luck amigo! You will be missed! @NavasKeylor pic.twitter.com/SwHeNA0WBC

— Gareth Bale (@GarethBale11) September 3, 2019