Видео: Бејл се врати со гол за Реал, тешка повреда на Асенсио

Реал Мадрид и Арсенал одиграа фантастичен натпревар на Интернационалниот Куп на шампиони. „Кралевите“ успеаа да ги стигнат два гола негатива и на крајот победија после изведувањето на пенали.

Натпреварот лошо започна за тимот од Мадрид. Начо веќе после девет минути игра мораше да го напушти теренот поради два жолти картони, а во 10-та минута Лаказет погоди од пенал за водство на Арсенал од 0-1.

Обамејанг во 24-та минута го постигна вториот погодок за Арсенал.Во финишот на првиот дел Сократис доби втор жолт и Арсенал остана без еден играч.

Ова Реал го искористи, па преку Бејл во 56-та и Асенсио во 59-та минута успеаа да дојдат до 2-2, но резултатот до крајот на регуларниот дел не се смени, па на пенали славеше Реал.

Лоша вест за Реал е што Асенсио во 65-та минута доживеа тешка повреда на коленото и се препоставува дека долго време ќе биде надвор од терените.

https://youtu.be/y8dRCqgDQb8