Зидан повторно за Бејл: Тој самиот не сакаше да игра против Баерн

Реал Мадрид доби богата понуда за Герет Бејл, но Велшанецот повторно ги изненади бидејќи уште еднаш одби да замине од Сантијаго Бернабеу.

Бејл им прави огромни проблеми на Кралевите бидејќи не сака да го напушти клубот, иако во Реал напорно работат на негова продажба. Бејл одби богата понуда од Кина бидејќи сака да остане во Реал иако е свесен дека сигурно нема да игра во новата сезона.

Зидан во неколку наврати порача дека Реал не смета на Бејл за наредната сезона, но очигледно за играчот тоа не е проблем. Бејл пред неколку дена не играше на пријателскиот натпревар против Баерн, што е јасен показател во каква ситуација се наоѓа.

Откако многумина го критикуваа Зидан што јавно кажа дека Бејл не е во неговите планови и што не му даде шанса да игра против Баерн, францускиот стручњак повторно се огласи.

„Играчите се најважни и јас секогаш ќе бидам покрај нив. Што се однесува до Бејл реков дека клубот сака да го продаде и тоа е вистина. Бејл не играше против Баерн бидејќи тој не сакаше.“ – изјави Зизу.