Очекувано: Македонија падна 5 места на ФИФА ранг листата!

Македонската фудбалска репрезентација забележа пад од пет места на најновата ФИФА ранг листа.

Овој пад беше очекуван после двата порази на домашен терен од репрезентациите на Полска и Австрија.

Моментно Македонија се наоѓа на делба на 73-та позиција заедно со Кина, со освоени 1333 поени, што е најголем пад за нашата репрезентација во последната година.

На врвот на листата Белгија остана лидер пред Франција, Бразил и Англија, а Португалија се искачи на 5-то место.

Во топ десет уште се и Хрватска, Шпанија, Уругвај, Швајцарија и Данска.

Фото: ФФМ