Надал експресно во второто коло на „Ролан Гарос“

Рафаел Надал беше одличен на стартот на „Ролан Гарос“ и без поголеми проблеми славеше над Јаник Хафман со 3-0 по сетови 6-2, 6-1 и 6-3 за само еден час и 58 минути игра.

Аутсајдерот пропушти четири брејк топки во раната фаза, а потоа светскиот рекет број два заигра поробро и ја оправда фаворитската улога.

Шпанскиот матадор го одигра мечот со половина сила што сепак беше доволно за експресен триумф и пласман во следната рунда, а во неговиот пат до финалето втора пречка ќе му биде францускиот квалификант, Јаник Маден.

Надал на Роланд Гарос годинава атакува на рекордната 12 титула и е апсолутен рекордер во Париз.