ФАНТАСТИЧНА ВЕСТ: Мундијалот сепак ќе се пренесува на наша телевизија – се водат завршните преговори!

Во текот на вчерашниот ден се појави информација дека Светското првенство на кое ќе игра Македонија во Данска и Германија нема да се пренесува на ниту една наша телевизија.

За наша среќа, тоа нема да биде така! Генералниот менаџер на ТВ Телма, Атанас Кировски на својот Фејсбук профил утрово објави статус со кој сигурно ја израдува целата спортска јавност во нашата земја.

Имено, тој објави дека ТВ Телма е во завршни преговори за откупување на правата за Светското првенство и дека наскоро се би требало да биде и официјално потврдено!