33 години од една од најголемите трагедии во фудбалот – Ливерпул се сеќава на жртвите во „Хилсборо“

На денешен ден, 15 април 1989 на стадионот „Хилсборо“ во Шефилд загинаа 97 навивачи, а најмладата жртва имаше само 10 години.

„Хилсбороу“ и до денес e најголемата несреќа во историјата на британскиот спорт и една од најголемите спортски трагедии во светот. Ливерпул играше полуфинале од ФА Купот против Нотингем Форес. Англискиот сојуз го избра неутралниот стадион „Хилсборо“, но за голема жалост се заврши трагично, 96 навивачи ги изгубија своите животи.

Несреќните навивачи останаа буквално прегазени на оградата на преполниот стадион кој имаше капацитет од 39.000 гледачи, но поради грешка на полицијата и сигурносните служби присуствуваа повеќе од 54.000.

Како една од главните причини за несреќата се наведува одлуката на обезбедувањето да се отвори заштитната ограда на трибината „Leppings Lane End“ со цел да се намали притисок. Тоа беше кобен потег по кој настана страшно стампедо.

Градот Ливерпул ќе биде во молк, едноставно ќе застане. Сите знамиња ќе бида на пола копје, точно во 16.06 часот точно 97 пати звоната на Градската куќа ќе заѕвонат, додека граѓаните на овој град со едноминутно молчење ќе и одадат чест за загинатите.