Манчестер Јунајтед спреми понуда за напаѓачот на Бенфика

Манчестер Јунајтед сака да го доведе напаѓачот на Бенфика, Гонзало Рамос и е спремен да понуди 25 милиони фунти.

21-годишниот Португалец постигна осум гола на 12 меча од почетокот на сезоната, па го привлече вниманието на Манчестер Јунајтед.

Раководството на клубот од „Олд Трафорд“ веќе стапило во контакт со неговиот агент и сака да го донесе во јануари.

Проблем е што напаѓачот има откупна клаузула од 100 милиони евра, а Бенфика нема лесно да се откаже од него.

Манчестер Јунајтед наскоро ќе започне преговори со Бенфика и е спремен да понуди 25 милиони фунти за неговиот потпис.