Клоп сака да „украде“ германски талент пред носот на Баерн

Ливерпул е силно заинтересиран за новата ѕвезда на Салцбург, Карим Адејеми.

19-годишниот напаѓач блеска во дресот на Салцбург и го привлече вниманието на многу европски гиганти, а Ливерпул сака да ја победи конкуренцијата.

Фудбалерот, роден во 2002 година од мајка Романка и татко Нигериец, дебитираше за германската репрезентација во септември, и важи за еден од најголемите талени.

Ливерпул ќе има жестока конкуренција бидејќи за Адејеми интерес покажуваат Баерн Минхен и Лајпциг, а Салцбург е спремен да го пушти уште во јануариза 20 милиони евра.

Ливерпул веќе работи на трансферот, но германските медиуми тврдат дека играчот преферира да се пресели во Баерн Минхен.