Голема битка за потписот на Смолинг

Неколку клубови од Премиер лигата се силно заинтересирани за дефанзивецот на Манчестер Јунајтед, Крис Смолинг кој игра на позајмица во Рома оваа сезона.

30-годишниот дефанзивец во моментов игра во Рома како позајмен фудбалер и игра одлично оваа сезона. „Волчицата“ прави се од себе за да го откупи неговиот договор, но се чини дека имаат сериозна конкуренција за неговиот потпис.

За него интерес покажуваат Тотенхем, Евертон и Арсенал, клубови кои ќе водат битка за неговиот потпис ова лето.

Смолинг е во добри услови со Мурињо уште од нивниот престој на „Олд Трафорд“ и тоа може да биде во корист на „спарси“. Засега, фудбалерот не брза да ја реши својата иднина и ќе почека до крајот на сезоната за да ги разгледа сите опции.