16-годишник го освојува светот: Сруши рекорд стар 56 години, го споредуваат со Болт

Гаут Гаут, тинејџер од Австралија, е новата атлетска ѕвезда по Шампионатот на австралијските средни училишта во Квинсленд.

Тинејџерот, кој сѐ уште нема полни 17 години, а ќе ги наполни на 29 декември, го импресионираше светот на атлетиката со своите настапи.

Спринтерот ја истрча дионицата од 100 метри за 10:04 секунди, но со помош на ветер и поради тоа неговото време нема да биде официјално запишано како рекорд.

FASTEST 16-year-old EVER 👀

🇦🇺’s Gout Gout storms to 20.04 over 200m in Brisbane 🔥

Oceania record ✅
National record ✅
Fastest time ever by a 16-year-old ✅
2nd on the U18 all-time list ✅

Peter Norman’s Australian record stood for 56 years 😮‍💨

📸 Casey Sims pic.twitter.com/UjttJieBtC

— World Athletics (@WorldAthletics) December 7, 2024

Сепак, подвигот на младиот атлетичар со потекло од Јужен Судан не е случајност, што го покажа следниот ден, кога го сруши рекордот на 200 метри. За новиот спектакуларен резултат му беа потребни 20:04 секунди.

Државниот рекорд му припаѓаше на познатиот Питер Норман, кој на Олимписките игри во 1968 година во Мексико Сити освои сребрен медал.

Колку ветува Гаут Гаут, покажува фактот дека Јусеин Болт најбрзо на таа возраст на 200 метри трчаше 20:13, што е трето време во историјата. Австралиецот така го надмина Болт, а сопственик е и на петтото најдобро време 20:29, кое го постави во ноември 2024 година.

„Не очекував дека ќе биде толку брзо. Го бркав тој рекорд, но не мислев дека ќе дојде оваа година. Мислев можеби следната година или година потоа“, изјави задоволниот Гаут.

“Gout of this world” 🫡

pic.twitter.com/I3iZ4sa0jE

— World Athletics (@WorldAthletics) December 7, 2024