Ќе премине ли Кутињо во Барса во јануари? – Еве што одговори Клоп!

Пред натпревар кој Ливерпул ќе го игра против Спратак Москва, Јирген Клоп зборуваше за Фелипе Кутињо.

Новинарите често пати го прашуваат Клоп за Кутињо и веројатно на Германецот веќе му е мака да одговара на овие прашања.

Како што споменавме, на конференцијата за медиуми пред натпреварот со Спартак Клоп повторно доби прашање за Кутињо.

„Не размислувам за тоа. Не сум сигурено, не сум ниту несигурен, едноставно не сум размислувал“, изјави Клоп со не баш мирен тон.

Медиумите ова веднаш го протолкуваа како потенцијален знак дека Кутињо ќе замине овој јануари, но можеби се работи и само за нервоза на Клоп поради честите прашања за Кутињо и неговиот трансфер во Барселона.